Nagpasaka ang Office of the Ombudsman og mga kaso sa malversation of public funds ug graft sa Sandiganbayan batok sa pito ka sakop sa Department of Public Works and Highways (DPWH) Region 12, may kalabotan sa usa ka giingong anomaliya nga nagkantidad og P491.9 ka milyon mahitungod sa road right-of-way sa General Santos City.
Lakip sa mga gikiha mao ang kanhi Regional Director sa DPWH Region 12 nga si Subair Saro Diron ug ang kanhi Assistant Regional Director nga si Laureano Suan Jr., uban sa lima pa ka mga kawani sa ahensya.
Ang mga kaso naggikan sa mga giingong iregularidad sa pagproseso sa mga bayad alang sa right-of-way sa usa ka proyekto sa dalan sa General Santos City.
Hinuon, kining mga akusasyon nagpabilin lamang nga mga pasangil hangtod nga mapamatud-an sa korte ang tulubagon sa mga gikiha.
