40-anyos nga lalaki, nakaplagang patay sa sapa sa Valencia City

Nakaplagang patay ang usa ka 40-anyos nga lalaki sa daplin sa sapa sa Purok 3, Barangay San Carlos, Valencia City, Bukidnon, niadtong Oktubre 21, 2026, human dul-an duha ka adlaw nga gikatahong nawala.

Sumala sa imbestigasyon sa mga otoridad, residente sa Barangay Colonia ang biktima nga gikatahong nawala niadtong Oktubre 19 human gidudahang nalumos sa sapa.

Padayon siyang gipangita sa iyang pamilya hangtod nga narekober sa Valencia City Rescue Team ang iyang patayng lawas nga nagsugod na og kadunot.

Wala usab makit-i sa lawas sa biktima ang mga timailhan sa foul play o pakigbisog, hinungdan nga gituohang pagkalumos ang hinungdan sa iyang kamatayon.

Gidala ang patayng lawas sa Lao-as Funeral Homes sa Valencia City.