Alex Eala sulod na sa ika-duha nga round sa Ningbo Open

Nakaabante na sa ikaduhang hugna sa 2026 Ningbo Open si Filipina star Alex Eala

Kini human sa iyang kadaugan batok kang Diane Parry sa France, pinaagi sa iskor nga 6-3, 6-1.

Ang maong kadaugan nagsilbing pagbangon alang kang Eala—kinsa anaa karon sa ika-20 nga ranggo sa kalibutan—human siya sayo nga natangtang sa unang hugna sa Wuhan Open ug human usab sa iyang pagdaog og bronze medal sa 2026 Asian Games sa Japan.

Gidominar ni Eala ang duwa gikan pa sa sinugdanan, nga wala maghatag og dakong kahigayonan sa magduduwa gikan sa France nga makakuha og momentum; natapos ang duwa sulod sa usa ka oras ug 17 ka minuto.

Sunod niyang atubangon mao ang modaog sa duwa tali nila ni Yulia Putintseva ug Diana Shnaider.