GENSAN- Mas maayong sayo pa lang, naghimo na og timeline ang Impeachment Court alang sa impeachment trial ni Vice President Sara Duterte, sumala ni Retired Judge Lorenzo Balo.
Matud ni Balo, bisan ‘tentative’ pa ang maong timeline, posible nga matuman ang target nga Disyembre 16 alang sa pagpagawas sa desisyon sa kaso.
Gilauman usab niya nga matuman ang maong ‘timeline’ tungod kay dugay na nga nagpadayon ang impeachment trial batok sa bise presidente.
Matud pa sa retiradong huwes, medyo nahimong dili na kaayo makapainteres ang dagan sa impeachment trial, ilabina alang sa mga ordinaryong tawo nga dili pamilyar sa mga patakaran ug proseso sa impeachment court.
Gipasabot ni Balo nga lahi ang mga patakaran ug pamaagi nga gigamit sa Impeachment Court nga espesipikong gihimo alang sa pagdungog sa impeachment case batok kang VP Sara.
