Giingong lisod ug mahimong limitado ang pag-usab sa gikinahanglang gidaghanon sa boto sa Senado alang sa impeachment trial batok kang Vice President Sara Duterte.
Sumala kang Atty. Rey Cartojano, usa ka legal expert nga nakapanayam sa Bombo Radyo Gensan, gitakda sa Konstitusyon ang gikinahanglang gidaghanon sa boto alang sa conviction sa impeachment case.
Matud niya, 16 ka boto gikan sa mga senador ang gikinahanglan aron ma-convict ug matangtang sa pwesto ang usa ka opisyal nga gi-impeach.
Gipasabot ni Cartojano nga dili sayon ang pag-usab niini pinaagi lamang sa proseso sa pagboto, ilabina kay ang impeachment usa ka isyu nga adunay dakong importansya sa nasud.
Samtang, gilauman nga hatagan og prayoridad sa Korte Suprema ang mga legal nga pangutana may kalabotan sa impeachment tungod sa national importance niini, ilabina kung ipasaka ngadto sa korte ang isyu bahin sa voting requirement
