-- ADVERTISEMENT --
Mikaylap ang mga wildfire duol sa bag-ong kapital sa Indonesia nga Nusantara, diin mokabat na sa 400 ektarya ang nasunog sa palibot niini hangtod Setyembre 2.
Sa tibuok Borneo ug Sumatra, kapin 73,000 ka ektarya na ang nasunog tungod sa forest ug land fires.
Gihangyo sa mga awtoridad ang pagpatuman sa water bombing ug cloud seeding aron mapalong ang sunog ug makapahinabo og ulan. Apan dili pa igo ang panganod alang sa cloud seeding.
Gipasamot sa uga nga panahon ug “super El Niño” ang mga sunog, nga giingong usa sa pinakalisod nga dry season sa Indonesia sa miaging dekada.
