-- ADVERTISEMENT --
Nagpahinumdom ang Philippine National Police o PNP sa ilang mga personahe nga mahimong responsable sa pag-amping sa ilang mga pusil, ilabina kon wala sila sa duty ug anaa sa ilang mga panimalay.
Matod ni PNP Chief Gen. Jose Melencio Nartatez Jr., kinahanglang sigurohon nga luwas ug dili maabot sa mga bata o ubang tawo ang ilang mga armas.
Gihimo ang pahinumdom human sa duha ka nagkalainlaing insidente sa pagpamusil sa mga eskwelahan sulod lamang sa hapit duha ka bulan, diin gituohang service-issued firearms nga gikuha gikan sa ginikanan o paryente ang gigamit sa mga menor de edad.
Gimandoan usab sa PNP ang mga police commander nga kanunayng pahinumdoman ang ilang mga sakop bahin sa hustong pagtipig ug responsibilidad sa mga pusil.
