Gibutyag ni NBI Director Melvin Matibag ang giingong plano sa pagdaot sa reputasyon ni Executive Secretary Ralph Recto. Sumala kang Matibag, upat ka babaye ang giplanong maghimo og affidavit ug mosang-at og reklamo sa piskalya, nga sundan unta og press conference.
Giingon ni Matibag nga kabahin kini sa giingong plano aron madaot ang reputasyon ni Recto.
Matud pa niya, upat na ka abogado ang giandam aron motabang sa paghimo sa mga affidavit sa wala pa ipatuman ang maong plano.
Dugang pa ni Matibag nga ang talent manager nga nalambigit sa maong isyu nag-atubang na sa kaso nga human trafficking ug anaa karon sa kustodiya.
Samtang, padayon ang imbestigasyon sa kaso nila Paras ug Leviste.
Wala sila mitunga sa pagdungog niadtong Huwebes bisan pa sa subpoena, ug ang ilang mga abogado lamang ang mitambong.
Gipahibalo usab nga ipatawag pag-usab sila sa Agosto 11 aron motubag sa maong imbestigasyon.
