PRO 12 gitutukan ang pagpakunhod sa kaso sa robbery bisan pa sa pagkunhod sa 8 focused crimes

Gipaklaro ni Police Brigadier General Alan Manibog, Regional Director sa Police Regional Office 12, nga base sa ilang natala nga datos, mikunhod karon ang kaso sa walo ka focused crimes kon itandi sa mga nakalabay nga panahon.

Matod ni Manibog, usa kini sa positibong resulta sa ilang padayong kampanya ug pagpalig-on sa presensya sa kapulisan aron mapugngan ang mga krimen sa rehiyon.

Apan, gipunting sa opisyal nga padayon gihapon nilang tutukan ang kaso sa robbery o pagpangawat pinaagi sa pagpahugot sa mga operasyon ug pagpalapad sa mga preventive measures sa PRO 12.

Gipaniguro ni Manibog nga magpadayon ang koordinasyon sa tanang police units aron mapanalipdan ang publiko ug mapadayon ang pagkunhod sa insidente sa krimen sa rehiyon.