Gipanghimakak ni Senator Alan Peter Cayetano ang mga alegasyon nga adunay anomalya sa mga imprastraktura nga gipatuman sa Taguig City.
Kini human isumite ni Senator Panfilo Lacson ngadto sa Office of the Ombudsman ang mga ebidensya may kalabotan sa giingong kahina-hinalang mga proyekto sa siyudad.
Matud ni Lacson, ipagawas pa niya ang dugang nga mga ebidensya atol sa pagdungog sa Senate Blue Ribbon Committee.
Sa iyang social media account, gipasalamatan ni Cayetano ang mga taga-Taguig tungod sa ilang pagsalig nga walay nahitabong iregularidad sa mga proyekto sa lokal nga panggobyerno.
Giingon usab ni Cayetano nga dili angay itandi ang maong isyu sa mga alegasyon sa korapsyon sa Bulacan, ug mipasalig nga sa umaabot mogawas usab ang tinuod nga kamatuoran.
