Kampo ni Sen. Jinggoy Estrada midangop sa Korte Suprema

Midangop na sa Korte Suprema ang kampo ni Senador Jinggoy Estrada aron hangyoon nga balihon ang desisyon sa Sandiganbayan nga wala motugot kaniya sa pagtambong sa impeachment trial ni Vice President Sara Duterte.

Sa petisyon nga gisang-at, giingon sa kampo ni Estrada nga adunay “grave abuse of discretion” ang Sandiganbayan sa pagbasura sa iyang hangyo nga makatambong sa husay.

Gipasabot usab sa iyang mga abogado nga bisan pa man nga nakakulong siya tungod sa kasong plunder, nagpabilin gihapon siyang incumbent senator ug adunay katungdanan isip usa ka senator-judge sa impeachment trial.

Sa pagkakaron, giatubang ni Estrada ang kasong plunder nga may kalabotan sa giingong anomalya sa mga proyekto sa flood control.