GENSAN- Mipahimangno si PCPT Lamberto Rabino Jr., Deputy Chief sa Traffic Enforcement Unit-Gensan, ngadto sa tanang mga drayber nga kanunayng sundon ang mga traffic rules and regulation aron malikayan ang disgrasya sa kadalanan.
Matud ni Rabino, importante ang pagrespeto sa mga balaod trapiko ug paggamit sa dalan nga adunay disiplina aron masiguro ang kaluwasan dili lamang sa mga motorista kondili apil usab sa mga pedestrian ug ubang naggamit sa kalsada.
Gipahinumdoman usab niya ang mga drayber nga likayan ang pagmaneho kung nakainom og makahubog nga ilimnon o kung sobra na ang kakapoy sa lawas tungod sa kakulang sa pahulay.
Sumala sa opisyal, mas maayo nga magpahuway una ang usa ka drayber kung gibati na ang kakapoy aron malikayan ang peligro ug mapanalipdan ang kaugalingong kinabuhi, ingon man ang kaluwasan sa mga pasahero ug uban pang tawo sa dalan.
