Gibutyag ni Senador Panfilo “Ping” Lacson nga nakadokumento na ang iyang team og dili moubos sa duha ka case studies sa giingong ghost infrastructure projects sa Taguig.
Matod ni Lacson, ang mga proyekto naglakip sa slope protection ug drainage projects nga nagkantidad og kapin ₱2.085 bilyon gikan sa ₱6.79 bilyong insertions sa 2025 General Appropriations Act (GAA).
Iyang giingon nga ang mga iregularidad sa Taguig adunay parehas nga modus ug mga kontraktor nga nalambigit usab sa ubang kontrobersiyal nga proyekto sa lain-laing bahin sa nasud.
Apan, hugot nga gilimod ni Senate Minority Leader Alan Peter Cayetano ang alegasyon ug gihagit si Lacson nga ipagawas ang iyang ebidensya. Matod ni Cayetano, wala’y nakitang anomaliya ang mga ahensya sa gobyerno human sa ilang pagsusi sa maong mga proyekto.
Samtang, gimando na sa Department of Public Works and Highways (DPWH) ang pagpahigayon og imbestigasyon aron mapamatud-an o mapanghimakak ang mga alegasyon nga gipasaka ni Lacson.
