Palasyo, midepensa batok sa pasangil ni Cayetano sa wala matuman nga ₱10K ayuda

Midepensa ang Malacañang batok sa pasangil ni Senador Alan Peter Cayetano nga wala matuman ang gisugyot niyang ₱10,000 nga ayuda.

Matud sa Palasyo, dili pa si Presidente Ferdinand Marcos Jr. ang naglingkod isip pangulo sa nasud sa dihang gisugyot ni Cayetano ang maong ayuda.

Gipasabot usab sa Malacañang nga dili ang kasamtangang administrasyon ang mahimong pasanginlan sa wala mapatuman nga maong proposisyon tungod kay wala pa kini sa poder niadtong panahona.