Gipaklaro ni P/Maj. Ari Noel Cardos nga kanhi nang nadakpan ang suspek nga si alyas “Vergie” uban sa iyang kabanay tungod sa kalambigitan sa ilegal nga droga.
Matud ni Cardos, gikonsidera ang 49-anyos nga babaye nga usa sa mga source sa droga sa maong lugar.
Nadakpan ang suspek sa operasyon sa Purok Upper Malok, Barangay Labangal, General Santos City niadtong Hulyo 17, 2026, diin nakuha gikan kaniya ang kapin P1.5 milyon nga kantidad sa gidudahang shabu.
Gipahigayon ang operasyon sa City Police Drug Enforcement Unit sa GSCPO kauban ang CIU-GSCPO, Police Station 2, ug uban pang unit pinaagi sa Search Warrant 26-94 nga gi-isyu ni RTC Branch 23 Presiding Judge Hon. Dennis A. Velasco.
Nakuha gikan sa suspek ang upat ka jumbo size ug unom ka large size sachets nga adunay gibana-banang 227.8 gramos nga gidudahang shabu.
Gidala na ang suspek sa CPDEU-GSCPO alang sa hustong disposisyon ug medical examination, samtang ang nakumpiskang droga gipaagi sa laboratory examination sa RFU 12.
