Maghiusa ang mga katawhan sa South Cotabato sa pagsaulog sa 27th T’nalak Festival 2026 ug 60th Foundation Anniversary sa probinsya karong Hulyo 18, 2026.
Ang maong okasyon giila nga usa ka espesyal nga adlaw alang sa mga residente aron makasalmot ug makasaksi sa nagkadaiyang kalihokan nga nagpakita sa kultura, tradisyon, ug kalampusan sa probinsya.
Pinasikad sa Republic Act No. 9654 nga gipirmahan ni kanhi Pangulong Gloria Macapagal-Arroyo, gitugotan ang paghatag og espesyal nga pahulay sa tibuok South Cotabato atol sa maong selebrasyon.
Gipatuman usab ang hugot nga seguridad sa mga otoridad sa nagkalain-laing lugar sa probinsya aron mapadayon ang kalinaw ug kahapsay samtang nagpadayon ang mga kalihokan.
Gilauman nga daghang personalidad, lakip ang mga opisyal sa gobyerno, mga lider sa politika, ug mga artista, ang motambong sa mga kalihokan sa T’nalak Festival ug Foundation Anniversary.
