Gipadayag ni Atty. Rogelio Garcia ang PDP Laban Regional President nga kontento siya sa pagdumala ni Senador Chiz Escudero isip presiding judge sa impeachment trial ni Vice President Sara Duterte.
Matod ni Garcia, makita nga walay gipaboran si Escudero atol sa iyang pagpangulo sa unang mga pagdungog sa Senado ug gipadayon niini ang patas nga pagdumala sa proceedings.
Giingon usab sa abogado nga angay lamang nga si Senador Escudero ang molingkod isip presiding officer tungod sa iyang kasinatian isip abogado ug sa iyang kahibalo sa proseso sa balaod.
Dugang pa ni Garcia, kung si Senate President Sherwin Gatchalian mismo ang manguna sa maong impeachment trial, posible nga mas dugay pa ang pagsugod sa aktwal nga paghusay tungod sa mga isyu nga kinahanglan pa untang hisgotan sa proseso
