Gipasiugda sa House prosecution panel sa impeachment trial ni Vice President Sara Duterte nga supak sa konstitusyon kung diretso dayon nga basurahon sa Senado ang articles of impeachment nga walay pagtaral.
Kini human mangayo si Vice President Duterte sa impeachment court nga ipasaka ang dismissal sa kaso tungod sa iyang alegasyon nga wala matuman ang mga rekositos nga gitakda sa konstitusyon.
Matod nila House prosecutors Leila de Lima ug Chel Diokno, obligasyon sa Senado nga paminawon ang mga ebidensya ug maghimo og desisyon base sa resulta sa pagtaral.
Giingon nila nga sayo pa o premature ang pagbasura dayon sa kaso kung wala pa mahitabo ang impeachment trial.
Gipahayag usab ni De Lima nga ilang supakon ang bisan unsang mosyon nga magtinguha sa pag-dismiss sa impeachment case una pa magsugod ang pagtaral.
