-- ADVERTISEMENT --
Mipahayag og suporta ang PDP-Laban sa White Ribbon Rally nga ipahigayon karong Hunyo 28, 2026 isip panawagan alang sa patas nga imbestigasyon, hustong pag-usig, ug pagpapanubag sa tanang nalambigit sa mga alegasyon sa korapsyon.
Matod sa partido, ang kampanya batok sa korapsyon dili angay mapilian o maimpluwensiyahan sa politikal nga kolor, kondili kinahanglan ipatuman nga patas ug walay gipili.
Gipasiugda usab sa PDP-Laban nga kinahanglan adunay usa lamang ka sukdanan sa pagpatuman sa balaod ug ang tanang nalambigit sa mga kaso sa korapsyon kinahanglan manubag ubos sa hustisya, bisan unsa pa ang ilang posisyon o politikal nga kaalyado.
