Mahimong manubag ang mga indibidwal nga giingong nitabang kang Senador Ronald “Bato” dela Rosa nga makaikyas sa Senado human ma-unsealed ang arrest warrant batok kaniya gikan sa International Criminal Court (ICC).
Kini ang gipahibalo ni Justice Secretary Fredderick Vida sa usa ka press conference
Mahinumduman nga ang warrant batok sa senador gi-unsealed niadtong Mayo 11, sa dihang mitambong siya sa sesyon sa Senado human sa unom ka bulan nga pagkawala. Gibutang siya ubos sa protective custody, apan gibiyaan niadtong Mayo 14 sa kaadlawon, pipila ka oras human sa insidente sa pagpamusil sa building.
Samtang, base sa inisyal nga mga nahibal-an sa special panel sa mga prosecutor sa imbestigasyon, giinsistir ni Vida nga ang Senado dili maisip nga “giatake” sa dihang nahitabo ang pagpamusil niadtong Mayo 13.
Dugang niya nga ang aksyon sa Office of the Sergeant-at-Arms kalabot sa insidente dili “makatarunganon.”
