Nagpahigayon ang Regional Disaster Risk Reduction and Management Council XII sa ilang ikaduhang press conference karong Hunyo 16, 2026, kalabutan sa padayon nga operasyon ug kahimtang sa mga lugar nga naapektuhan sa magnitude 7.8 nga linog sa Mindanao.
Sa ilang presentasyon, gipunting ang padayon nga response operations, paghatag og humanitarian assistance, ug ang ongoing nga damage assessment sa mga komunidad nga grabeng naapektuhan sa paglinog.
Gipahibalo usab sa council nga nagpadayon ang koordinasyon sa nagkalain-laing ahensya sa gobyerno aron mapaspasan ang paghatod sa ayuda ug masiguro ang kaluwasan sa mga apektadong residente.
Dugang pa, giila sa RDRRMC XII nga dako pa ang trabaho sa recovery ug rehabilitation phase, ilabina sa pag-ayo sa mga imprastraktura ug pagtabang sa mga pamilyang naapektuhan aron makabalik sa normal nga panginabuhi.
Padayon ang monitoring sa sitwasyon samtang nagkahiusa ang mga ahensya sa gobyerno ug lokal nga yunit aron mapalig-on ang response ug recovery efforts sa rehiyon.
