Opisyal nga magsugod karong adlawa ang School Year 2026–2027 sa tibuok nasod, ug dinhi sa General Santos City sayo pa lang makita na ang pagpangandam sa mga ginikanan ug estudyante sa pag-andam alang sa pagbalik-eskwela.
Daghang mga estudyante ang sayo nang nibalik sa ilang mga eskwelahan aron dili ma-late sa first day of flag raising ceremony karong tuig. Ang uban kauban ang ilang mga ginikanan nga nagtabang sa pagdala sa mga gamit ug pag-ila sa ilang mga classrooms.
Makita usab ang presensya sa GSCPO sa nagkalain-laing tulunghaan sa dakbayan aron masiguro ang kaluwasan sa mga magtutungha ug mapadayon ang malinawon nga pagsugod sa klase.
Gilauman sa Department of Education nga magpadayon ang hapsay, organisado, ug luwas nga klase sa tibuok school year 2026–2027.
