Natingala ang mga residente human kalit nga misaka ang tubig ug mibaha sa sapa nga nahimutang sa boundary sa Barangay Labangal ug Barangay Calumpang ning syudad bisan pa ug walay ulan nga nasinatian karon.
Base sa obserbasyon sa mga lumulupyo, paspas nga nisaka ang lebel sa tubig sa sapa nga maoy hinungdan sa kalit nga pagbaha sa maong lugar.
Gituohang posibleng epekto kini sa kusog nga ulan sa kabukiran o upstream areas bisan wala’y ulan sa syudad.
Tungod niini, gipahimangnoan ang mga residente nga magmatngon ilabina kadtong nagpuyo duol sa sapa ug mga low-lying areas aron malikayan ang disgrasya.
Padayon usab nga ginabantayan sa lokal nga mga otoridad ang sitwasyon aron masiguro ang kaluwasan sa publiko ug malikayan ang mas dako pang kadaot kung magpadayon ang pagsaka sa tubig sa sapa.
