Daling niresponde ang mga personahe sa kapulisan sa Malapatan, Sarangani Province human nakadawat og reklamo gikan sa usa ka indibidwal nga ang iyang partner ug lain babae ang misulod sa usa ka inn sa Malapatan sayo sa kaadlawon ning adlawa, Mayo 31, 2026.
Sa pagresponde sa kapulisan, naabtan sa lugar ang maong lalaki ug usa ka babae nga anaa sulod sa maong establisemento. Giila ang lalaki nga si alyas “Don” usa ka hamtong nga residente sa Malapatan, samtang ang babae usab ang giila nga si alyas “Tanya” usa ka hamtong ug lumulupyo sa Gensan.
Sumala sa kapulisan, ang reklamo gihimo sa legal nga asawa sa lalaki, ug mipadayag kini og tuyo nga mopasaka og kasong adultery batok sa duha.
Nagpadayon karon ang imbestigasyon sa kapulisan samtang gihulat ang pormal nga reklamo sa nagreklamo nga partido.
