Aminado si Gensan Lone District Representative Shirlyn Bañas-Nograles nga adunay dakong pressure ug dili sayon ang paghimo sa iyang desisyon sa pagboto og “no” sa impeachment complaint batok kang Sara Duterte sa Kongreso.
Matud niini nga ang iyang desisyon wala maggikan lamang sa iyang kaugalingong baruganan, kundili gikan usab sa tingog sa katawhan sa General Santos City nga maoy nagsalig ug nagpili kaniya isip ilang representante sa Kongreso.
Gipasabot usab niini nga isip halal nga opisyal, responsibilidad niya nga paminawon ug tagaan og bili ang opinyon sa katawhan sa dili pa mohimo og importante nga desisyon nga adunay dakong epekto sa nasud. Bisan pa sa mga kritisismo ug nagkalain-laing reaksyon gikan sa publiko, nagpabilin siyang lig-on sa iyang baruganan ug nagtuo nga iyang gihimo ang desisyon subay sa mandato sa katawhan.
