Pope Leo XIV, nagpahigayon og misa sulod sa ospital

Padayon ang pag-ayo sa kahimtang sa panglawas ni Pope Leo XIV human kini gioperahan sa baga.

Gipagawas sa Vatican ang hulagway sa 71-anyos nga Santo Papa samtang nangulo kini sa misa sulod sa Gemelli Hospital sa Roma diin kini naka-confine.

Makita sa hulagway ang Santo Papa nga nagtindog atubangan sa temporaryong altar nga giandam sa ika-napulo nga andana sa maong ospital.

Gipasalamatan ni Pope Leo ang mga doktor, medical staff ug mga nars nga nag-atiman sa iyang kahimtang sa panglawas.

Kahinumduman nga gikuha sa mga doktor ang ‘nodule’ o ang namuo nga tisyu sulod sa iyang baga nga giingong ‘cancerous’.

Human sa operasyon, wala makita sa Santo Papa ang bisan unsang timailhan sa impeksiyon o uban pang komplikasyon.