Mipahayag sa iyang baruganan si Gensan lone district epresentative Shirlyn Banas Nograles batok sa impeachment ni Vice President Sara Duterte , nga mipasabut nga ang iyang desisyon gibase sa konsensya, fairness, ug pagsunod sa mga ebidensya.
Giingon niya nga sa pagtan-aw sa kaso, iyang gipili nga dili magpadala sa political pressure ug kasaba, kondili mamati sa mga argumento ug sa iyang personal nga pagtuo sa hustisya.
Matod pa niini, ang nasod karon mas nanginahanglan og panaghiusa kaysa panagbangi, ug ang boto niya nga “No” sa impeachment kay tumong sa paglikay sa dugang nga pagkabahin-bahin sa katawhan.
Gipasiugda usab niya ang respeto sa mandato sa katawhan, ilabi na ang dako nga suporta nga nadawat sa Bise Presidente gikan sa milyon-milyon ka Pilipino. Sa iyang panan-aw, kini nga mandato angay tagdon gawas na lang kung adunay lig-on ug klarong basehan sa laing lakang.
Sa katapusan, iyang giingon nga ang iyang desisyon wala gidiktahi sa politika, kundili sa iyang tinguha nga mapalig-on ang nasod, ug mipadayag siya sa pagpadayon sa serbisyo nga giya sa prinsipyo ug tinuod nga pagserbisyo sa katawhan.
