-- ADVERTISEMENT --
Gipahibalo ni Mayor Lorelie Pacquiao nga sugdan na ang renovation sa City covered court dinhi sa General Santos City aron mas mapaayo ang pasilidad ug magamit sa dagkong kalihokan sa syudad.
Matud sa alkalde, adunay P30 milyon nga pondo alang sa maong proyekto nga gikan kang kanhi Sen.Francis Tolentino.
Giingon sa Mayor nga dako kaayo kini ug ikatabang sa umaabot nga mga aktibidad sa syudad ilabi na sa mga sports events, programa sa gobyerno, ug uban pang dagkong panagtigom sa komunidad.
Gilauman usab sa lokal nga panggamhanan nga pinaagi sa renovation, mas mahimong komportable ug mas moderno ang maong pasilidad alang sa mga residente ug bisita sa syudad.
