Gibutyag sa kampo ni Vice President Sara Duterte nga sila nag monitor lamang sa plenary deliberations sa Kamara de Representantes karong Lunes, samtang gikatakdang magbotohay ang mga magbabalaod sa impeachment case batok sa Bise Presidente.
Sumala kay Atty. Michael Poa, tigpamababa sa legal defense team ni VP Sara, nga dili pisikal nga mutambong sa plenaryo apan ila kini pagasundan ug e monitor lamang kung unsa man ang mamahimong resulta sa maong botohan.
Dugang pa ni Poa, nga dili sila mohatag og spekulasyon kung maabot ba ang gikanahanglan nga 1/3 boto o 106 nga boto gikan sa 318 ka miyembro sa Kamara aron mapasa ang Articles of Impeachment ngadto sa Senado.
Ang impeachment complaint nakabase sa hiniusahang reklamo nga gipasang-at nila Fr. Joel Saballa ug Atty. Nathaniel Cabrera. Lakip sa mga alegasyon ang culpable violation of the constitution, bribery, graft and corruption, betrayal of public trust, ug uban pang mga bug-at nga akusasyon.
Gisiguro usab sa kampo ni VP Sara Duterte nga andam sila nga moatubang sa impeachment trial kon mapadala kini sa Senado.
