Malampusong naapos sa Land Transportation Franchising and Regulatory Board (LTFRB) ang pag-apod-apod sa P135 milyon nga fuel subsidy funds para sa mga taxi driver sa nagkalain-laing bahin sa nasud.
Sa usa ka kumpirmasyon ni LTFRB Chairman Vigor Mendoza II, iyang giingon nga moabot sa 5,440 ka taxi drivers ang nakadawat og P5,000 nga cash assistance matag usa.
Ang maong financial assistance gihatag sa ikaduha ug katapusang adlaw sa distribution niadtong Abril 25.
Sumala sa datos sa ahensya, ang pundo nga giapod-apod sa ikaduhang adlaw miabot sa P27.2 milyon, human sa inisyal nga P10 milyon nga aid nga gipagawas niadtong Abril 24.
Kini nagdala sa kinatibuk-ang kantidad nga gigahin para sa tibuok sektor sa taxi ngadto sa P135 milyon.
Samtang, isip dugang nga lakang ug tabang sa transportasyon, ang LTFRB kasamtangang nakig-alayon sa Department of Energy (DOE) ug sa Land Bank of the Philippines.
Ang maong lakang nagtumong sa pagporma ug hingpit nga pagpatuman sa P10 kada litro nga discount plan sa gasolina para sa tanang public utility vehicles (PUVs) sa tibuok Pilipinas.
