Mopasaka na ug apelar ang legal team ni kanhi Presidente Rodrigo Duterte batok sa desisyon sa International Criminal Court (ICC) Pre-Trial Chamber human kini mikumpirma sa mga kaso batok sa kanhi presidente kalabot sa mga kamatayon ubos sa iyang kampanya nga “war on drugs” sa dihang siya pa ang mayor sa Davao City ug presidente sa Pilipinas.
Sumala ni Atty. Nicholas Kaufman, mangayo sila og permiso nga iapela ang desisyon nga iyang gitawag nga “most bizarre”” ug “Kafkaesque o lisod sabton.
Giangkon niya nga ang pre-trial chamber daw midapig sa prosekusyon ug wala magtagad sa katungod ni Duterte sa usa ka patas nga husay.
Gikuwestiyon usab sa kampo sa depensa ang giingong kakulang sa detalye sa mga kaso ug ang kapakyas sa paghisgot sa ebidensya sa desisyon.
Giinsistir usab sa Palasyo nga kung wala’y mga namatay, ang kaso dili unta makaabot sa ICC. Miingon siya nga ang mga insidente nahitabo ubos sa pagpatuman sa “gubat batok sa droga” ug ang kasamtangang Presidente wala malambigit niini.
