Miulbo ang grassfire kagahapong adlawa sa Calatao, sakop sa Barangay Tambler sa dakbayan, nga paspas nga mikaylap sa lapad nga bahin sa mga kasagbutan.
Base sa taho ug nakuha nga video footage, dali kaayong mikatag ang kalayo sa lugar, nga gituohang tungod sa grabeng kainit sa panahon ug kusog nga hangin nga nakatabang sa pagpalapad niini.
Sa laing bahin, nagpahimangno ang Bureau of Fire Protection (BFP) Gensan sa publiko nga likayan ang pagsunog sa mga sagbot ug basura, tungod delikado kini ilabi na sa kasamtangang panahon nga kusog ang hangin ug uga ang palibot, nga dali makapalapad sa kalayo.
Nagpahinumdom usab ang BFP nga ang paglikay sa grassfire mao ang pinakasiguradong paagi aron malikayan ang kadaot sa kabtangan ug peligro sa kinabuhi.
