Gipasabot ni Prof. Andy Villa sa Mindanao State University General Santos nga ang tanang public officials ug government employees, bisan pa sa ilang kataas nga posisyon, sakop gihapon sa code of conduct ug mga accountability measures nga gipatuman sa gobyerno.
Matud niini, wala’y opisyal nga makaikyas sa obligasyon sa pagpanubag kon adunay mga isyu o reklamo nga ipasaka batok kanila, ilabina kung kini may kalabotan sa paggamit sa gahum ug public trust.
Gihimo ni Villa ang maong pahayag kalabot sa nagpadayon nga diskusyon sa impeachment case batok kang Vice President Sara Duterte, diin iyang gipunting nga ang impeachment usa ka pamaagi sa Konstitusyon aron masiguro nga ang mga taas nga opisyal sa gobyerno magpabiling accountable sa katawhan.
Dugang pa nga , ang proseso sa impeachment dili lang politikal nga panagbangi, kundili usa ka legal ug demokratikong mekanismo aron susihon kung ang usa ka opisyal ba nakalapas sa iyang katungdanan.
Iyang gipasabot nga pinaagi niini, napugos ang tanang opisyal nga motubag ug moagi sa husto nga proseso kung aduna silay giatubang nga alegasyon, aron mapanalipdan ang integridad sa serbisyo publiko
