Gikonsidera pa sa administrasyong Marcos ang pagsuspenso sa excise taxes sa diesel ug gasolina, sumala sa Department of Finance (DOF), bisan pa man og gitangtang na ang tax sa LPG ug kerosene.
Sumala ni Department Of Finance (DOF) Undersecretary Karlo Adriano, mas makabenepisyo ang mga adunahang Pilipino kon tangtangon ang tax sa diesel ug gasolina.
Wala kini giuyonan sa pipila ka mga magbabalaod, lakip na si Marikina Rep. Miro Quimbo, kinsa miingon nga mas mabati sa mga kabus ang epekto sa pagsaka sa presyo sa lana.
Gihulat pa ang executive order ni Presidente Ferdinand Marcos Jr. alang sa pormal nga pagpatuman sa pagsuspenso sa tax sa LPG ug kerosene.
Samtang, ang DBCC ug UPLIFT Committee nagrepaso sa sitwasyon kada bulan sa dili pa mohimo og desisyon.
Giinsistir sa pipila ka mga kongresista nga ang pagrepaso kinahanglan nga mas kanunay ug ang aksyon kinahanglan nga diha-diha dayon tungod kay ang publiko mas direktang mabati ang pagsuspenso sa tax.
Sa pagkakaron, ang excise tax sa diesel kay P6 kada litro ug sa gasolina kay P10.
