GENSAN- Mipadayag ang Police Regional Office 12 nga mikunhod ang kinatibuk-ang ihap sa mga krimen sa rehiyon kon itandi ang ulahing quarter sa tuig 2025 ug unang quarter sa 2026.
Sumala sa pahayag ni PBGen. Arnold Ardiente Regional Director sa Police Regional Office- 12, nagpakita kini og positibong resulta sa ilang padayon nga kampanya alang sa kalinaw ug kahapsay.
Apan giila usab sa kapulisan nga misaka ang non-index crimes, nga kasagarang naglakip sa mga kaso nga resulta sa police operations sama sa kampanya batok droga, smuggling, ug illegal firearms.
Matod sa PRO-12, ang pagsaka niini nagpasabot usab sa mas gipalig-on nga implementasyon sa balaod ug mas daghang operasyon nga ilang gipatuman.
Gipasalig sa kapulisan nga padayon ang ilang pagpasiugda sa peace and order pinaagi sa mas lig-on nga operasyon sa tibuok rehiyon
