Gikumpirma sa Department of Foreign Affairs (DFA) nga adunay usa na usab ka Pinay nga napatay sa Israel human sa missile attack.
Nahitabo ang atake sa Haifa, Israel kaniadtong Abril 5 sa gabie kun asa nagpuyo ang maong Pinay nga wala pa karon gipanganlan.
Gawas kaniya, patay usab ang iyang bana nga Israeli og ang iyang mga ugangan.
Sa statement sa DFA, gikumpirma nga napahibalo na ang pamilya sa biktima og ginahatag ang paigong assistance, lakip na ang arrangement sa posible nga repatriation sa patay bisan pa sa travel situation karon sa Middle East.
Nagpaabot usab og simpatiya ang DFA human sa insidente.
Naga-request ang pamilya og privacy sa maong malisod og masubanon nga higayon sa ilang kinabuhi.
Sa bulag nga reports gikan sa Middle East media, naigo sa Iranian missile strike ang usa ka residential building sa Israeli port city of Haifa kaniadtong Domingo sa gabie.
Sumala usab sa Israeli military, na-recover ang patay lawas sa upat nga natabunan sa mga debris human sa inoras nga search-and-rescue operations.
Nagbisita mismo si Israeli National Security Minister Itamar Ben-Gvir sa site nga giigo sa missile strike.
