GENSAN – Patay ang tricycle driver ug ang pasahero niini sa laing pagpamusil nga nahitabo niining adlawa, Pebrero 2, alas 2:30 sa hapon sa Aparente Street, Barangay City Heights, ning dakbayan sa General Santos City.
Ang tricycle driver giila nga si Iven Miano Conde, 32 anyos, residente sa Lower Nopol, Klinan 5, Barangay Mabuhay. Samtang ang nadamay nga pasahero niini mao si Nhiezer Rolliene Jane Aguacito, 24 anyos, residente sa Oringo Subdivision, Barangay City Heights.
Sumala sa kapulisan, samtang nagbiyahe ang mga biktima sa maong dalan, kalit silang gipusil sa duha ka wala pa mailhing mga suspetsado nga sakay sa motorsiklo. Ang mga biktima gidala dayon sa ospital apan nakabsan gihapon og kinabuhi.
Matud ni PCol. Nicomedes Olaivar Jr., City Director sa GSCPO, padayon ang hot pursuit operations ug pag-monitor sa mga CCTV footage aron masakpan ang mga suspetsado ug masuta ang motibo sa krimen.
