-- ADVERTISEMENT --
Patay na nga nakaplagan ang usa ka senior citizen nga una nang gireport nga missing sa Brgy. Burias, Mambusao, Capiz.
Ang biktima giila sa alyas Diday, 75 anyos, residente sa Sitio Fore sa maong lugar.
Sumala sa Mambusao Municipal Police Station, nagreport ang bana ni Diday nga si Feloteo Fabiano Evaristo alas 9:30 sa buntag niadtong Enero 27, 2026 nga wala na nakapauli ang iyang asawa.
Matod pa ni Feloteo, milakaw ang iyang asawa aron mopalit og asin sa Sitio Agkawayan, nga gibanabanang mga tulo ka kilometro ang gilay-on gikan sa ilang balay.
Sa karon, padayon ang imbestigasyon sa kapulisan bahin sa kamatayon sa biktima.
-- ADVERTISEMENT --
