GENSAN – Padayon ang Police Regional Office 12 sa hugot nga kampanya batok sa ilegal nga sigarilyo ubos sa pagpangulo ni PBGen. Arnold Ardiente, Regional Director, human nakumpiska ang kapin P159,000 nga gin-aalegarang smuggled nga sigarilyo sa Purok Cardeng Olarte, Brgy. Labangal, General Santos City kaniadtong Enero 21.
Nasakpan ang traysikol nga nagdala sa kargamento sa entrance sa maong lugar human dayon kini gitawagan sa mga concerned citizen, nga naglakip sa 87 reams nga Gaha Baro, 49 reams New Berlin, ug 1 carton King Perfect cigarettes.
Ang driver nga si Roberto Kalbie Isdro Jr., 43 anyos nga residente sa Bulaong Ext., Brgy. Labangal, giatubang karon sa kaso nga violation of RA 10863 o Customs Modernization and Tariff Act.
Sumala ni PBGen. Ardiente, dili nila patugotan ang bisan kinsa, bisan unsa pa ang posisyon o impluwensya, nga masangkot sa ilegal nga sigarilyo, ug padayon ang ilang paningkamot sa pagpakigbatok niini sa rehiyon
