GENSAN- Nanawagan si Police Major Jeckpusaca Mutalib, station commander sa Police Station 7, sa mga residente sa Barangay Fatima ug Barangay San Jose sa General Santos City nga padayon nga makigtambayayong sa kapulisan aron mapadayon ang kalinaw ug kahapsay sa ilang komunidad.
Matod ni Mutalib, dili lamang ang kapulisan ang adunay responsibilidad sa pagmintinar sa kalinaw ug kahapsay, kun dili gikinahanglan usab ang aktibong partisipasyon sa mga residente.
Giawhag niya ang katawhan nga magtinabangay sa pagbantay sa ilang palibot ug sa pagmonitor sa mga kalihokan nga mahimong hulga sa kaluwasan sa komunidad.
Giklaro usab sa opisyal nga dili makaya sa mga pulis lamang ang pagpugong sa tanang dili maayong insidente, busa dako ang papel sa kooperasyon ug suporta sa mga residente.
Naglaum si Mutalib nga pinaagi sa panaghiusa sa kapulisan ug komunidad, malikayan ang kagubot ug mapadayon ang malinawon nga kahimtang sa ilang area of responsibility
