Nadakpan sa mga awtoridad ang usa sa mga suspek sa pagpatay sa usa ka pulis nga nadestino sa Quirino Police Provincial Office, atol sa usa ka operasyon nga gihimo sa mga awtoridad sa lungsod sa Mulanay, Quezon Province niadtong Oktubre 12, 2026.
Ang suspek, nga giila nga si alyas “Marlou,” 28 anyos, nadakpan alas 2:00 sa hapon base sa warrant of arrest nga may kalabotan sa kaso sa homicide.
Base sa report, si Marlou giila nga usa sa duha ka suspek sa pagdunggab kang PSMS Zaldy C. Dela Peña niadtong Hulyo 31, 2026, sa usa ka sari-sari store sa Purok 4, Barangay San Marcos, Cabarroguis, Quirino.
Ang warrant of arrest gi-isyu niadtong Oktubre 12, 2026 sa Regional Trial Court, Second Judicial Region, Branch 31 sa Cabarroguis, Quirino.
Ang 1st Quirino Provincial Mobile Force Company nangulo sa operasyon uban sa pakigtambayayong sa ubang mga yunit sa Philippine National Police gikan sa Cagayan Valley ug CALABARZON.
Sa wala pa ang pag-aresto, ang mga operatiba nakigkontak sa mga opisyal sa barangay ug usa ka paryente sa suspek aron mahibal-an ang iyang nahimutangan.
Sumala sa impormasyon nga nakalap sa kapulisan, ang duha ka suspek wala na igkita sa lugar human sa insidente.
Si Marlou usa ka utility worker gikan sa Mabini, Quezon Province ug kaniadto nagpuyo sa Cabarroguis, Quirino.
Samtang, ang manhunt operations sa mga awtoridad nagpadayon aron masubay ug madakpan ang ikaduhang suspek nga may kalabotan sa insidente.
