GENSAN = Nagpadayon karon ang imbestigasyon sa kapulisan sa San Isidro Police Station sa pagpamusil sa 39 anyos nga si Arthur Chris Asis Fermo, residente sa Brgy. San Isidro, nga naangol human gipusil sa duha ka wala pa mailhing suspek paingon sa iyang panimalay
Sumala kang Jomar Gostilo, security guard sa subdivision, una niyang nadungog ang sunod-sunod nga buto sa pusil gikan sa highway ug pipila ka segundo ang milabay nakita niya ang biktima nga nagkadugo ug naghangyo og tabang samtang padulong sa entrance sa subdivision.
Samtang matod sa kapulisan nakadawat ang biktima og upat ka tama sa bala—duha sa dughan ug duha sa likod—ug gilayon siyang gidala sa ospital diin karon stable ug naa sa maayong kahimtang; giingon sa mga otoridad nga ilang gatan-aw ang posible nga motibo sa krimen, lakip ang personal nga away o planned attack, samtang gipadayon ang hot pursuit operation ug pagtan-aw sa CCTV footage aron mailhan ug madakpan ang mga suspek.
