GENSAN– Nagpahigayon og inspeksyon si PCol. Nicomedes P. Olaivar Jr. City Director sa GSCPO kauban si PLtC. Aldrin M. Gonzales, uban ni PLtC Benito A. Rotia Jr, sa mga personahe sa PNP nga gipadala sa firecracker display area sa Oval Plaza, ilabina sa mga entrance ug exit points.
Atol sa inspeksyon, gipahinumdoman ang mga personahe nga hugot ug husto nga susihon ang mga indibidwal nga mosulod sa lugar ug mga tindahan sa pabuto aron malikayan ang bisan unsang dili maayo nga insidente ug aron masiguro ang kaluwasan sa publiko atol sa kapaskuhan.
Gihatagan usab og gibug-aton ang pagka-alerto, hustong pagposisyon, ug hugot nga koordinasyon sa mga deployed units.
Kini nga kalihokan kabahin sa gipahugtan nga mga lakang sa seguridad ubos sa “Ligtas Paskuhan 2025,” nga nagsiguro sa luwas ug malinawon nga palibot alang sa tanan.
