Nasubo pag-ayo ang House of Representatives sa pagkamatay ni Antipolo City 2nd District Rep. Romeo Macusi Acop, sumala ni Speaker Faustino “Bojie” G. Dy III.
Sa iyang pamahayag, gihulagway ni Speaker Dy si Acop isip usa ka matinud-anon, maisog, ug lig-on nga alagad sa publiko nga nagsilbing modelo sa integridad sa serbisyo publiko.
Sumala ni Dy, sa matag tahas nga gihimo ni Acop, klaro ang iyang pagtuo nga ang balaod kinahanglan nga magsilbi sa interes sa katawhan.
Gidugang sa Speaker nga ang pagkamatay sa magbabalaod usa ka dakong kapildihan alang sa Kongreso, sa siyudad sa Antipolo, ug sa tibuok katawhang Pilipino.
Si Speaker Dy miingon nga ang ehemplo ni Acop isip usa ka halangdon ug matinud-anon nga alagad sa publiko magpadayon.
Ang House of Representatives miapil usab sa pagbangotan sa pamilya, mga higala, ug mga minahal sa namatay nga kongresista.
“Daghang salamat, Cong. Romeo Acop. Dili namo malimtan ang imong serbisyo, dungog, ug makahuluganon nga mga kontribusyon,” panapos ni Speaker Dy.
