GENSAN – Gipahibalo ni LTC Julius V. Taniza, INF (GSC) Battalion Commander sa 73rd IB, 10ID, Philippine Army, nga nagpabilin nga naka-heightened alert ang ilang battalion bisan pa sa deklarasyon sa Communist Party of the Philippines-New People’s Army (CPP-NPA) sa usa ka temporaryong ceasefire sa panahon sa Kapaskuhan ug sa pagsaulog sa Bag-ong Tuig.
Ang maong lakang aron masiguro ang kaluwasan sa mga sibilyan samtang nagselebrar sa Kapaskuhan ug Bag-ong Tuig. Matud pa ni LTC Taniza, padayon ang ilang intelligence monitoring aron malikayan nga makabalik ang NPA sa ilang area of operation.
Dugang pa, ang deployment sa ilang Mobile Community Support ug Sustainment Team nagtutok sa pagbalik sa mga barangay nga dati ginapalibotan sa NPA aron masiguro nga dili na kini mabalik sa maong lugar.
