GENSAN – Dili na makauban sa pagsaulog sa Pasko sa pamilya Cerezo nga taga Lanton Apopong ning syudad ang ilang minahal sa kinabuhi nga si John Michael human nga kaganihang buntag nakaplagan kining wala nay kinabuhi sa Cabuay River sa Sitio Paopao Brgy Sinawal ning dakbayan sa Gensan.
Ang 17 anyos nga batan-on ang naanod kagabi sa kalit nga kusog nga bul-og sa tubig sa Paopao River dihang naligo.
Siya lamang ang wala gipalad samtang iyang lima ka mga barkada ang naluwas sa rescue operation nga gipahigayon human sa panghitabo nga nahitabo kagahapon sa udto.
Gikan sa rescue operation kagabie, kaganihang buntag nakit-an ang patay nga lawas sa biktima nga nasab-it sa punoan sa mga ugat-ugat sa kahoy daplin sa sapa.
Ang nasampit ang hubo dihang nakit-an sa mga rescue personnels og mga residente sa lugar.
