Dili makaduwa ang NBA superstar nga si Stephen Curry sulod sa kapin usa ka semana human sa laing minor quad injury nga naangkon.
Mahinungdanon nga matikdan nga niadtong Nobyembre 27, wala makahuman si Curry sa dula tali sa Golden State Warriors ug Houston Rockets human sa sunod-sunod nga pagkabangga nila ni Rockets forward Alperen Sengun ug Amen Thompson.
Ang MRI scan wala magpakita og dakong kadaot sa quad ni Curry, apan kinahanglan siyang moagi og pipila ka adlaw nga pagpaayo.
Tungod sa iyang kadaot, ang NBA superstar dili makaduwa sa mga naka-eskedyul nga dula sa iyang team hangtod sa unang semana sa Disyembre.
Wala usab gisalikway nga ang iyang pagpaayo magdugay ug posible nga mobalik ra siya sa pagdula sa Disyembre 18 kung ang Golden State gikatakda nga makigdula sa Phoenix Suns.
Ang GS gikatakda nga makigsangka sa New Orleans Pelicans sa Nobyembre 29 samtang sa Disyembre 2, makigsangka kini sa defending champion Oklahoma City Thunder, ang top team sa NBA nga adunay 18-1 nga rekord.
Ang GSW karon adunay 10-10 nga win-loss record ug naa sa ikawalong pwesto sa Western Conference. Sa miaging napulo ka duwa sa team, lima ra ang ilang nadaog.
