Gipunting karon sa Philippine Olympic Committee kon POC ang umaabot nga Los Angeles Olympics sa sunod nga tuig.
Kini human wala maabot sa Pilipinas ang target nga gold medal sa bag-ohay lang natapos nga 20th Asian Games nga gipahigayon sa Aichi-Nagoya, Japan.
Matud ni Philippine Olympic Committee President Abraham “Bambol” Tolentino, bisan wala maabot ang ilang target, napantayan gihapon sa Pilipinas ang gidaghanon sa mga gold medal nga nakuha sa miaging Asian Games.
Dugang pa niya, mas gikinahanglan karon ang pagpalig-on sa pagbansay sa mga atleta, lakip na ang pagkuha og mga ‘foreign coach’ aron mas maandam ang mga atleta sa nasud alang sa umaabot nga LA Olympics 2028.
Nakakuha ang Pilipinas og upat ka gold medal, siyam ka silver medal ug mga bronze medal.
Nalabwan sa Pilipinas ang resulta niini sa 2023 Hangzhou Asian Games, diin nakakuha kini og upat ka gold medal, duha ka silver ug 18 ka bronze medal.
