GENSAN– Gihatagan og pasidungog ni Councilor Franklin Gacal ang Iglesia ni Cristo (INC) sa ilang lakang nga magpahigayon og dakong rally aron pag-awhag og pagpakita og aksyon batok sa korapsyon sa nasod.
Matod ni Gacal, nanghinaut siya nga dili lang ang INC ang magpahigayon og rally, kundili adunay uban pang mga relihiyosong sektor ang magpahigayon og rally og ipakita ang pagsuporta sa transparency ug accountability sa gobyerno.
Giingon ni Gacal nga suko na ang katawhan ug gusto na nga iundang ang korapsyon sa nasod, labi na sa mga proyekto nga wala masubay sa hustong proseso.
Nag-awhag si Gacal nga ang tanan sektor sa katilingban, ilabi na ang mga relihiyoso ug civic groups, magtinabangay sa pagpakita og suporta batok sa korapsyon ug pagpalig-on sa hustisya ug transparency sa gobyerno.
