Dugong Bombo 2025 gisalmotan sa mga college instructors

GENSAN– Malampusong natigayon ang Dugong Bombo 2025 kaniadtong Nobyembre 15, diin gisalmotan sa daghang blood donors ang aktibidad.

Sumala sa datos sa Bombo Radyo Gensan, adunay 429 ka successful blood donors nga nakatampo sa maong kampanya sa pagkolekta sa dugo.

Usa sa mga nagpakita sa ilang suporta mao si Geovanie Nodalo, usa ka college instructor.

Matod niya, ang pagdonar og dugo ang adunay dakong benepisyo sa iyang lawas.

Bisan pa sa lain nga sitwasyon sa panahon, naningkamot gyud siya nga makaapil sa maong aktibidad tungod sa iyang tinuod nga tinguha nga makatabang sa uban.

Ang Dugong Bombo 2025 usa ka panawagan sa publiko nga magpakabana ug magtinabangay sa paghatag sa kinabuhi pinaagi sa dugo.